T20 World Cup 2024

2024 ஐசிசி ஆடவர் டி20 உலகக் கோப்பை டி20 உலகக் கோப்பை வரலாற்றில் 9வது ஆண்டாக நடக்கவுள்ளது. இது 2 ஆண்டுகளுக்கு ஒருமுறை நடைபெறும் 20 ஓவர் கிரிக்கெட் போட்டியாகும். இந்த போட்டியை சர்வதேச கிரிக்கெட் கவுன்சிலான ஐசிசி நடத்துகிறது. இந்த வருடத்துக்கான டி20 போட்டொ2024 ஜூன் 1 முதல் 29 வரை நடைபெறவுள்ளது. இந்த போட்டிகளை மேற்கிந்திய தீவுகள் மற்றும் அமெரிக்கா இணைந்து நடத்த திட்டமிடப்பட்டுள்ளது. கடந்த டி20 போட்டியில் பாகிஸ்தானை வீழ்த்தி இங்கிலாந்து கோப்பையை வென்றது. இந்த டி20 உலகக் கோப்பைக்கு, தகுதி பெறும் 20அணிகள் தலா ஐந்து அணிகள் கொண்ட நான்கு குழுக்களாக பிரிக்கப்படும். ஒவ்வொரு குழுவிலும் முதல் இரண்டு இடங்களை பிடிக்கும் அணிகள் சூப்பர் 8 சுற்றுக்கு முன்னேறும். இந்த கட்டத்தில், தகுதி பெறும் அணிகள் நான்கு அணிகள் கொண்ட இரண்டு குழுக்களாக பிரிக்கப்படும். ஒவ்வொரு குழுவிலிருந்தும் முதல் இரண்டு அணிகள் நாக் அவுட் சுற்றுக்கு தகுதி பெறும், இதில் இரண்டு அரையிறுதி மற்றும் இறுதிப் போட்டி இருக்கும்.