தமிழகத்தைச் சேர்ந்த எல்.முருகனுக்கு ஒதுக்கப்பட்ட துறைகள் என்னென்ன?

எல்.முருகனுக்கு ஒதுக்கப்பட்ட துறைகள் என்னென்ன? மக்களவைத் தேர்தல் முடிவுகள் வெளியாகி, கூட்டணி கட்சிகளுடன் ஆதரவோடு பாஜக ஆட்சி அமைத்துள்ளது. மோடி நேற்று பிரதமராக பதவியேற்றுக் கொண்டார். இதனை தொடர்ந்து, பிரதமர் மோடி தலைமையிலான அமைச்சரவை கூட்டம் இன்று நடைபெற்றது. இந்த கூட்டத்தில் பல்வேறு திட்டங்கள் குறித்து ஆலோசிக்கப்பட்டது. அதன்பின்பு, மோடி தலைமையிலான அமைச்சரவைக் கூட்டத்தில் மத்திய அமைச்சர்களின் இலாகா ஒதுக்கீடு செய்யப்பட்டுள்ளது. அதாவது, பிரதமர் மோடி உள்பட 72 பேர் நேற்று மத்திய அமைச்சர்களாக பதவியேற்ற நிலையில், இன்று அவர்களின் இலாக்காக்கள் அறிவிக்கப்பட்டுள்ளன. அதன்படி, நிதின் கட்கரிக்கு சாலை மற்றும் போக்குவரத்துத்துறை, ராஜ்நாத் சிங்கிற்கு பாதுகாப்புத்துறை, அமித் ஷாவிற்கு உள்துறை ஒதுக்கப்பட்டுள்ளது.

இந்த நிலையில், தமிழகத்தைச் சேர்ந்த மத்திய இணையமைச்சர் எல்.முருகனுக்கு இரண்டு துறைகள் ஒதுக்கப்பட்டுள்ளன. அதன்படி, தகவல் மற்றும் ஒலிபரப்புத்துறை, நாடாளுமன்ற விவகாரங்கள் துறையும் ஒதுக்கீடு செய்யப்பட்டுள்ளது. இதற்கு முன்பு, தகவல் மற்றும் ஒலிபரப்புத்துறை இருந்த நிலையில், நாடாளுமன்ற விவகாரங்கள் துறை ஒதுக்கீடு செய்யப்பட்டுள்ளது. மேலும், தமிழகத்தைச் சேர்ந்த நிர்மலா சீதாராமனுக்கு நிதித்துறையும், எஸ்.ஜெய்சங்கருக்கு வெளியுறுவுத்துறை ஒதுக்கப்பட்டுள்ளது.  2024 மக்களவை தேர்தலில் நீலகிரி தொகுதியில் எல்.முருகன் போட்டியிட்டு தோல்வி அடைந்தார். திமுக சார்பில் போட்டியிட்ட ஆ.ராசா வெற்றி பெற்ற நிலையில், எல்.முருகன் 2,32,627 வாக்குகள் பெற்றி தோல்வி அடைந்தார். இருப்பினும், அவர் ராஜசபா எம்.பியாக உள்ளதால், மக்களவை எம்.பி பதவியை தக்க வைத்து கொண்டார் என்பது குறிப்பிடத்தக்கது.

முழு பட்டியல்:

• ஜெ.பி.நட்டாவுக்கு சுகாதாரத்துறை ஒதுக்கப்பட்டுள்ளது
• சிவராஜ் சிங் சவுகானுக்கு வேளாண்மை மற்றும் விவசாயிகள் நலத்துறை அமைச்சர் மற்றும் ஊரக வளர்ச்சி அமைச்சர் மற்றும் பஞ்சாய்த்து ராஜ் துறை ஒதுக்கப்பட்டுள்ளது.
• நிர்மலா சீதாராமனுக்கு நிதித்துறை ஒதுக்கப்பட்டுள்ளது.
• சுப்ரமணியம் ஜெய்சங்கருக்கு வெளியுறுவுத்துறை ஒதுக்கப்பட்டுள்ளது.
• பியூஷ் கோயலுக்கு வணிக வரித்துறை ஒதுக்கப்பட்டுள்ளது.
• தர்மேந்திர பிரதானுக்கு கல்வித்துறை ஒதுக்கப்பட்டுள்ளது.
• எச்டி குமரசாமிக்கு கனராக தொழில்துறை அமைச்சகம் ஒதுக்கப்பட்டுள்ளது.
• ஜிதன் ராம் மஞ்சிக்கு குறு,சிறு மற்றும் நடுத்தரத் தொழில் துறை ஒதுக்கப்பட்டுள்ளது.
• ராஜீவ் ரஞ்சன் சிங்குக்கு பஞ்சாயத்து ராஜ் மற்றும் மீன்வளம், கால்நடை பராமரிப்பு மற்றும் பால்வளத்துறை ஒதுக்கப்பட்டுள்ளது.
• சர்பானந்தா சோனோவாலுக்கு துறைமுகங்கள், கப்பல் போக்குவரத்து மற்றும் நீர்வழித்துறை ஒதுக்கப்பட்டுள்ளது.
• வீரேந்திர குமாருக்கு சமூக நிதித்துறை ஒதுக்கப்பட்டுள்ளது.
• ராம்மோகன் நாயுடுவுக்கு விமான போக்குவரத்துத்துறை ஒதுக்கப்பட்டுள்ளது.
• பிரஹலாத் ஜோஷிக்கு உணவு மற்றும் மாற்று எரிசக்தி அமைச்சகம் ஒதுக்கப்பட்டுள்ளது.
• ஜுவல் ஒரம்மிற்கு பழங்குடியினர் நலத்துறை ஒதுக்கப்பட்டுள்ளது.
• கிரிராஜ் சிங்கிற்கு ஜவுளித்துறை ஒதுக்கப்பட்டுள்ளது.
• அஸ்வினி வைஷ்ணவுக்கு தகவல் மற்றும் ஒலிபரப்புத்துறை அமைச்சர் மற்றும் ரயில்வேத்துறை ஒதுக்கப்பட்டுள்ளது.
• ஜோதிராதித்யா எம்.சிந்தியாவுக்கு தொலைத்தொடர்புத்துறை ஒதுக்கப்பட்டுள்ளது.
• பூபேந்தர் யாதவுக்கு சுற்றுச்சூழல், வன, காலநிலைத்துறை ஒதுக்கப்பட்டுள்ளது.
• கஜேந்திர சிங் ஷெகாவத்துக்கு கலாச்சார மற்றும் சுற்றலாத்துறை ஒதுக்கப்பட்டுள்ளது.
• அன்னபூர்ணா தேவிக்கு மகளிர் மற்றும் குழந்தைகள் நலத்துறை ஒதுக்கப்பட்டுள்ளது.
• கிரண் ரிஜிஜுக்கு நாடாளுமன்ற விவகார மற்றும் சிறுபான்மையினர் நலத்துறை ஒதுக்கப்பட்டுள்ளது.
• ஹர்தீப் சிங் பூரிக்கு பெட்ரோலியத்துறை ஒதுக்கப்பட்டுள்ளது.
• மன்சூக் மாண்டவியாவுக்கு விளையாட்டு மற்றும் இளைஞர் மேம்பாட்டு தொழிலாளர் துறை ஒதுக்கப்பட்டுள்ளது.
• ஜி. கிஷண் ரெட்டிக்கு நிலக்கரி மற்றும் சுரங்கத்துறை ஒதுக்கப்பட்டுள்ளது.
• சிராக் பாஸ்வானுக்கு உணவு பதப்படுத்துதல் துறை ஒதுக்கப்பட்டுள்ளது.
• சிஆர் பாட்டீலுக்கு நீர்வளத்துறை ஒதுக்கப்பட்டுள்ளது.