Watch Video: ’சுப்மன் கில் என்னைப்போல் ஆக முடியாது’ – வைரலாகும் விராட் வீடியோ!

விராட் கோலி: இந்திய கிரிக்கெட் அணியின் முன்னாள் கேப்டன் விராட் கோலி, தற்போது உலகின் தலைசிறந்த பேட்ஸ்மேன்களில் ஒருவராக வலம் வருகிறார். விராட் கோலி தனது பெயரில் பல உலக சாதனைகளை வைத்திருப்பது மட்டுமல்லாமல், இந்திய அணி பல முக்கியமான போட்டிகளில் வெல்ல முக்கிய காரணமாகவும் இருந்தார். சமீபத்தில் இந்திய கிரிக்கெட் அணி டி20 உலகக் கோப்பையில் சாம்பியன் பட்டத்தை வென்றது. தென்னாப்பிரிக்காவிற்கு எதிரான இந்த இறுதிப்போட்டியில் சிறப்பான இன்னிங்ஸ் விளையாடி இந்தியாவை வெற்றிபெற வைப்பதில் கோலி முக்கிய பங்கு வகித்தார். விராட் கோலியை போலவே 19 வயதிற்குட்ப்பட்ட உலகக் கோப்பையில் இருந்து வந்தவர் சுப்மன் கில். விராட் கோலிக்கு பிறகு சுப்மன் கில்லும் பெரிய வீரராக உருவெடுப்பார் என்று எதிர்பார்க்கப்படுகிறது.

ALSO READ: Dhyan Chand Birthday: ஹிட்லர் முன் ஜெர்மனிக்கு எதிராக சம்பவம்.. மேஜர் தயான் சந்த் ஹாக்கியின் மந்திரவாதியான கதை!

இப்படியான சூழ்நிலையில் இந்திய கிரிக்கெட் அணியின் நட்சத்திர வீரர் விராட் கோலியின் சித்தரிக்கப்பட்ட வீடியோ ஒன்று தற்போது இணையத்தில் வைரலாகி வருகிறது. இது ரசிகர்கள் மற்றும் கிரிக்கெட் வட்டாரத்தில் பரபரப்பை ஏற்படுத்தியுள்ளது. சித்தரிக்கப்பட்ட அந்த வீடியோவில், கோலி டாப் ஆர்டர் பேட்ஸ்மேன் சுப்மன் கில்லை விமர்சிப்பது போல் காட்டப்பட்டுள்ளது. வீடியோவில் கோலியின் குரல் மற்றும் முகபாவனைகள் அனைத்தும் AI என்று அழைக்கப்படும் செயற்கை நுண்ணறிவு பயன்படுத்தி உருவாக்கப்பட்டுள்ளது.

AI is Dangerous pic.twitter.com/njUvwiwc4t

— Cricketopia (@CricketopiaCom) August 27, 2024

விராட் கோலி பேசியதாக சித்தரிக்கப்பட்டுள்ள அந்த வீடியோவில், “நாங்கள் ஆஸ்திரேலியாவில் இருந்து திரும்பி வந்ததும், மிக முக்கிய போட்டியில் வெற்றிபெற என்ன செய்ய வேண்டும் என்பதை நான் கற்றுக்கொண்டேன். நான் கில்லை உன்னிப்பாக கவனித்து வருகிறேன், அவர் திறமையானவர். அதில் எந்தவிதமான சந்தேகமும் இல்லை. ஆனால், பேட்டிங் செய்யும்போது உணர்ச்சிகளை காட்டுவதற்கும், ஒரு ஜாம்பவான் ஆவதற்கும் பெரிய வித்தியாசம் உள்ளது. சுப்மன் கில் இந்த நிலையை எட்டுவது மிகவும் கடினம்.

கில்லின் நுட்பம் உறுதியானது. சுப்மன் கில்லை அடுத்த விராட் கோலி என்று மக்கள் பேசுகிறார்கள். ஆனால் ஒரே ஒரு விராட் கோலி மட்டும்தான் இருக்க முடியும் என்பதை தெளிவுபடுத்த விரும்புகிறேன். நான் மிகவும் ஆபத்தான பந்து வீச்சாளர்களை எதிர்கொண்டுள்ளேன். மிகவும் இக்கட்டான சூழ்நிலையிலும் சிறப்பாகச் செயல்பட்டுள்ளேன். இதை கடந்த பத்தாண்டுகளுக்கும் மேலாக தொடர்ச்சியாகச் செய்துள்ளேன். இந்திய கிரிக்கெட்டில் ஒரு ‘கடவுள்’ (சச்சின் டெண்டுல்கர்) இருக்கிறார், அவருக்குப் பிறகு நான் இருக்கிறேன். கில் எங்கள் நிலையை அடைவதற்கு, இன்னும் நீண்ட தூரம் செல்ல வேண்டும். ” என்று பேசியிருந்தார்.

ALSO READ: IPL 2025: ஜாம்பவானை குறிவைத்து தூக்கிய லக்னோ.. வழிகாட்டியாக களமிறங்கும் ஜாகீர் கான்..!

விராட் கோலியின் இந்த வீடியோவைப் பார்க்கும்போது, ​​இது போலியானது என்றும் AI உதவியுடன் உருவாக்கப்பட்டது என்றே யோசிக்க முடியாது. இதன் காரணமாக, AI எவ்வளவு ஆபத்தானது என்பதை மக்கள் புரிந்து கொள்ள வேண்டும். விராட் கோலி அப்படி எந்த அறிக்கையும் கொடுக்கவில்லை. இந்த வீடியோ முற்றிலும் போலியானது.