‘கார்த்திகை தீபம்’ சீரியலில் தீபா கழுத்தில் திரும்பவும் தாலி ஏறாது.. அதிர்ச்சி கொடுத்த ஜோசியர்

கார்த்திகை தீபம் சீரியலின் நேற்றைய எபிசோடில் சேகர் ரம்யாவுக்கு போன் செய்து என்னுடைய பையை காணவில்லை அதுல தான் டோப்பா, தாடி என சாமியார் கெட்டப் பொருள் எல்லாத்தையும் வச்சு இருந்தேன் என்று சொல்கிறான், மேலும் அந்த பையை இளையராஜா மாற்றி எடுத்து போய் இருக்கலாம் என்று சொன்னதும் ரம்யா பேரதிர்ச்சி அடைகிறாள். உடனே அவள் இளையராஜா வீட்டிற்கு வந்து அவனுக்கே தெரியாமல் பேக்கை தேடி பார்க்க அது இல்லை என்று தெரிந்ததும் அவளது பயம் இன்னும் அதிகமாகிறது. அதனை தொடர்ந்து அபிராமியை டிஸ்ஜார்ஜ் செய்து வீட்டிற்கு அழைத்து வர தயாராக ஆனந்த் அந்த விஷயத்தை ரம்யாவுக்கு சொல்ல போனை எடுக்க மீனாட்சி போனை வாங்கி விஷயத்தை சொல்கிறாள்.

இதனால் ரம்யா ஹாஸ்பிடலுக்கு ஓடி வர அங்கு அபிராமி இல்லை என்று தெரிந்ததும் கடுப்பாகி வீட்டிற்கு கிளம்பி வருகிறாள், இங்கே அபிராமிக்கு ஆரத்தி எடுத்து உள்ளே அழைத்து செல்ல தயாராக இருக்க ரம்யா பொக்கேவை கொடுத்து நான் உங்களுக்காக பரிகாரம் செய்ததால் தான் நீங்க உயிர் பிழைத்தீங்க என்று சொல்கிறாள்.

ஆனால் அபிராமி அப்படியெல்லாம் இல்ல.. நான் கோமாவில் தீபா பாடிய பாட்டு என் காதில் கேட்டது என்று சொல்ல ரம்யா அது எப்படி உங்களுக்கு கேட்கும் என்று கேள்வி எழுப்ப அபிராமி அந்த பாட்டை பாடி காட்ட கார்த்திக் தீபா இதே பாட்டை தான் கோவிலில் பாடினா என்று சொல்கிறான். மேலும் இவங்க செய்தது பரிகாரமே இல்ல.. அந்த சாமியார் போலி சாமியார் என்ற உண்மையையும் உடைக்கிறான். அடுத்து தீபாவை அதே பாட்டை மீண்டும் பாட சொல்லி அதை கேட்டு ரசிக்கின்றனர், அபிராமி சொன்ன வார்த்தையால் எல்லாரும் தீபாவை நினைத்து சிலாகித்து பேச தொடங்குகின்றனர்.

இந்த நிலையில் இன்று நடக்க போவது என்ன என்பது குறித்து பார்க்கலாம் வாங்க. அதாவது, ரம்யாவுக்கு வெங்கையா போன் செய்து என்னம்மா நீங்க கார்த்திக்கிட்ட மாத்தி பொய் சொல்ல சொல்லிடீங்க, இதனால் எந்த பிரச்னையும் வராதா என்று பேசி கொண்டிருக்க ரம்யா அவனிடம் பேசி விட்டு திரும்பும் போது அங்கே மைதிலி நிற்க அதை பார்த்து அதிர்ச்சி அடைகிறாள்.

Also read… காமெடியன் டூ கலக்கல் நாயகன்… யோகி பாபுவின் பிறந்த நாள் இன்று!

மேலும் மைதிலி யாரிடம் பேசிட்டு இருந்த என்று கேள்வி கேட்க ஆபிஸ் கால் என்று சொல்லி சமாளித்து அங்கிருந்து எஸ்கேப் ஆகிறாள், அடுத்து அபிராமி தீபாவுடன் கோவிலுக்கு வந்து தாலியை கொடுத்து தனக்காக தீபா தாலியை கழட்டிய விஷயத்தை சொல்லி மறு தாலி கட்ட பூஜை செய்ய வேண்டும் என்று பேசுகிறாள். அய்யரும் மாமியாருக்கு தாலியை கழட்டுறதை எல்லாம் நான் பார்த்ததே இல்ல என்று தீபாவை பாராட்டுகிறார்.

மறுபக்கம் தர்மலிங்கம் தீபா ஜாதகத்தை கொடுத்து ஜோசியர் ஒருவரிடம் நேரம் எப்படி இருக்கு என்று கேட்க அவர் இந்த பொண்ணு கழுத்தில் இருந்து தாலி இறங்கினா அது திரும்பவும் ஏறவே ஏறாது என்று அதிர்ச்சி கொடுக்கிறார், தர்மலிங்க என்ன சாமி சொல்றீங்க என்று அதிர்ச்சியாக ஆமாம், நீங்க என்ன தான் முயற்சி செய்தாலும் இந்த பொண்ணு கழுத்தில் இறங்கிய தாலி திரும்பவும் ஏறாது. அப்படியே ஏறினா இவளோட மாமியார் உயிருக்கு ஆபத்து வரும் என்று அதிர வைக்கிறார்.

தாலி இல்லனாலும் இந்த பொண்ணோட வாழ்க்கை நல்லா தான் இருக்கும், அதை அப்படியே விட்டுடுங்க என்று சொல்ல தர்மலிங்கம் திரும்பவும் தாலி ஏறுவதை பார்க்கணும் என்று ஆசையை சொல்ல ஜோசியர் ஒரு தேதியை குறித்து கொடுத்து முயற்சி பண்ணி பாருங்க, தாலி ஏறலனா திரும்பவும் என்னை வந்து பாருங்க என்று சொல்கிறார்.

அடுத்து கோவிலில் இருந்து ஜவுளி கடைக்கு வரும் அபிராமி தீபாவுக்கு பட்டு புடவை கார்த்திக்கு பட்டு வேட்டி சட்டையை எடுக்கிறாள். இப்படியான நிலையில் அடுத்து நடக்க போவது என்ன என்பது இனிவரும் எபிசோடுகளில் தெரியவரும்.