Bigg Boss Tamil Season 8: பிக்பாஸில் இந்த வாரம் முழுவதும் நடந்த சண்டைகள்… அடுக்கடுக்காக கேள்விகள் கேட்ட விஜய் சேதுபதி – வைரலாகும் வீடியோ
கடந்த 7 சீசன்களாக இல்லாத ஒன்றாக இந்த 8-வது சீசனில் பிக்பாஸ் வீடு இரண்டாக பிரிந்து ஆண்கள் மற்றும் பெண்கள் என இரண்டு அணிகளாக விளையாடினர். இந்த சீசனில் பல மாற்றங்கள் கொண்டுவரப்பட்டிருந்தது. இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர்.
பிக்பாஸ் தமிழ் சீசன் 8 நிகழ்ச்சியில் இந்த வாரம் முழுவதும் நடந்த பிரச்னைகளை விஜய் சேதுபதி இன்று போட்டியாளர்களிடம் கேள்வி எழுப்புகிறார். அதற்கு பதிலளிக்க முடியாமல் போட்டியாளர்கள் நிற்கும் வீடியோ தற்போது இணையத்தில் வைரலாகி வருகின்றது. விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக், தர்ஷிகா, தர்ஷா குப்தா, ஜாக்குலின், முத்துக்குமார், ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.
கடந்த 7 சீசன்களாக இல்லாத ஒன்றாக இந்த 8-வது சீசனில் பிக்பாஸ் வீடு இரண்டாக பிரிந்து ஆண்கள் மற்றும் பெண்கள் என இரண்டு அணிகளாக விளையாடினர். இந்த சீசனில் பல மாற்றங்கள் கொண்டுவரப்பட்டிருந்தது. இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர்.
முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.
மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.
Also read… அஜித்தின் ’விடாமுயற்ச்சி’ படத்துடன் பொங்கலுக்கு போட்டிப்போடும் படங்கள் என்னென்ன?
4-வது வாரம் தீபாவளி பண்டிகையை முன்னிட்டு எவிக்ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார். இதனை தொடர்ந்து கடந்த 7-வது வாரம் பிக்பாஸ் வீட்டில் இருந்து வர்ஷா வெளியேற்றப்பட்டார்.
இந்த வாரம் நாமினேஷனில் ஜாக்குலின், ஆனந்தி, அன்ஷிதா, மஞ்சரி, ரயான், சாச்சனா, விஷால், சத்யா, ரஞ்சித் மற்றும் சிவக்குமார் ஆகியோர் நாமினேட் ஆகியுள்ளனர். இதில் இருந்து யார் வெளியேறுவார்கள் என்று இந்த வார இறுதியில் தெரியவரும்.
கடந்த 50 நாட்களாக இரண்டு அணிகளாக பிரிந்து விளையாடி ஆண்கள் மற்றும் பெண்கள் அணியினரை இந்த வாரம் முதல் ஒன்றாக்கி இனி அணிகளுக்கு இடையே போட்டி இல்லை தனி நபர்களுக்கு இடையே போட்டி என்று தற்போது அறிவிக்கப்பட்டுள்ளது. இந்த நிலையில் இந்த வாரம் பிக்பாஸ் வீட்டில் தீபக் கேப்டனாக தேர்வாகியுள்ளார்.
Also read… நடிக்க வருவதற்கு முன் கீர்த்தி சுரேஷ் எப்படி இருக்கார் பாருங்க… வைரலாகும் போட்டோ
இந்த நிலையில் இந்த வாரம் பிக்பாஸ் டாஸ்க்கில் நீயும் பொம்மை நானும் பொம்மை டாஸ்க் வழங்கப்பட்டது. இதில் போட்டியாளர்களிடையே பல பிரச்னைகள் வெடித்தது. இந்த டாஸ்க் தொடங்கியது முதலே தனித்தனியாக விளையாட போட்டியாளர்களுக்கு வாய்ப்பு வழங்கிய முதல் வாரத்திலேயே கூட்டம் கூட்டமாக இணைந்து இந்த போட்டியில் விளையாடினர். இதனால் பல மோதல்களும் ஏற்பட்டது. இறுதியாக இந்த போட்டியில் ஜெஃப்ரி வெற்றிப் பெற்றார்.
இந்த நிலையில் இன்று சனிகிழைமைக்கான புரோமோ வீடியோவை நிகழ்ச்சி குழு வெளியிட்டது. அதில் இந்த வாரம் கேப்டனாக இருந்த தீபக்கின் செயல் பிடிக்கவில்லை என்று அவரது பூ தொட்டியில் உள்ள பூவை வெட்டிய சாச்சனா மற்றும் மஞ்சரியிடம் விஜய் சேதுபதி கேள்வி எழுப்புகிறார். அதற்கு சரியான பதில் கூறமுடியாமல் இருவரும் திணருவது அந்த வீடியோவில் வெளியாகியுள்ளது.
